1Ki 14 | Ndebele | STEP | Ngalesosikhathi uAbhiya indodana kaJerobhowamu wagula.

1 Ngalesosikhathi uAbhiya indodana kaJerobhowamu wagula. 2 UJerobhowamu wasesithi kumkakhe: Akusuke uzifihle isimo ukuze bangakwazi ukuthi ungumkaJerobhowamu, uye eShilo ^a; khangela, kukhona lapho uAhiya umprofethi ^b owangitshela ukuthi ngizakuba yinkosi phezu kwalababantu ^c. 3 Uthathe izinkwa ezilitshumi esandleni sakho lamaqebelengwana alukhuni lodiwo loluju, uye kuye, yena uzakutshela okuzakwenzeka kulumntwana ^d. 4 UmkaJerobhowamu wasesenza njalo, wasuka waya eShilo ^e, wafika emzini kaAhiya. Kodwa uAhiya wayengelakubona ngoba amehlo akhe ayesenqundekile ngenxa yobudala bakhe.

5 INkosi yasisithi kuAhiya: Khangela, umkaJerobhowamu uyeza ukubuza ulutho kuwe ngendodana yakhe, ngoba iyagula. Uzamtshela ukuthi lokuthi. Ngoba kuzakuthi ekungeneni kwakhe, uzazitshaya omunye. 6 Kwasekusithi uAhiya esizwa izisinde zenyawo zakhe lapho engena emnyango wathi: Ngena mkaJerobhowamu; uzitshayelani omunye? Ngoba ngithunywe kuwe ngento enzima. 7 Hamba uthi kuJerobhowamu: Itsho njalo iNkosi, uNkulunkulu kaIsrayeli, ithi: Njengoba ngakuphakamisa uphakathi kwabantu, ngakwenza umbusi phezu kwabantu bami uIsrayeli ^f, 8 ngadabula umbuso ngawususa endlini kaDavida, ngawunika wena; kodwa kawubanga njengenceku yami uDavida, owagcina imilayo yami ^g, lowangilandela ngenhliziyo yakhe yonke, ukwenza okuhle kuphela emehlweni ami ^h; 9 kodwa wenzile ububi okwedlula bonke ababekhona phambi kwakho, kodwa uhambe wazenzela abanye onkulunkulu ⁱ lezithombe ezibunjwe ngokuncibilikisa, ukuze ungithukuthelise ^j, wangilahla emva komhlana wakho ^k. 10 Ngakho, khangela, ngizakwehlisela ububi endlini kaJerobhowamu ^l, ngiqume asuke kuJerobhowamu ochamela emdulini ^m, ovalelweyo lokhululekileyo koIsrayeli ⁿ, ngihugule okulandelayo kwendlu kaJerobhowamu, njengomuntu ehugula umquba uze uphele ^o. 11 OkaJerobhowamu ofela phakathi komuzi zizamudla izinja, lofela egangeni zizamudla inyoni zamazulu; ngoba iNkosi ikhulumile ^p. 12 Ngakho wena suka, uye endlini yakho; ekungeneni kwenyawo zakho emzini umntwana uzakufa. 13 Njalo uIsrayeli wonke uzamlilela amngcwabe; ngoba nguye kuphela koJerobhowamu ozakuza engcwabeni, ngoba kutholakala kuye into elungileyo ngaseNkosini uNkulunkulu kaIsrayeli endlini kaJerobhowamu ^q.

14 Futhi uJehova uzazivusela inkosi phezu kukaIsrayeli, ezaquma indlu kaJerobhowamu ngalolosuku ^r. Kodwa kuyini? Lakhathesi ^s. 15 Njalo iNkosi izamtshaya uIsrayeli njengomhlanga uzunguzeka emanzini, iquphule uIsrayeli ^t elizweni leli elihle ^u, eyalinika oyise, ibachithachithe ngaphetsheya komfula ^v, ngenxa yokuthi bazenzela izixuku ^w, bayithukuthelisa iNkosi ^x. 16 Njalo izanikela uIsrayeli ngenxa yezono zikaJerobhowamu, owonayo, wenza uIsrayeli one ^y.

17 UmkaJerobhowamu wasesuka wahamba, wafika eTiriza ^z. Lapho efika embundwini wendlu ^aa, umfana wafa. 18 Basebemngcwaba; loIsrayeli wonke wamlilela, njengokwelizwi leNkosi eyalikhuluma ngesandla senceku yayo uAhiya umprofethi ^ab.

Ukufa kukaJerobhowamu

19 Ezinye-ke zezindaba zikaJerobhowamu, ukuthi walwa njani ^ac, lokuthi wabusa njani, khangela, zibhaliwe egwalweni lwemilando yamakhosi akoIsrayeli. 20 Lensuku uJerobhowamu abusa ngazo zaziyiminyaka engamatshumi amabili lambili, walala laboyise, njalo uNadabi indodana yakhe waba yinkosi esikhundleni sakhe.

Ukubusa kukaRehobhowamu

21 URehobhowamu indodana kaSolomoni wabusa-ke koJuda. URehobhowamu wayeleminyaka engamatshumi amane lanye lapho esiba yinkosi, wabusa iminyaka elitshumi lesikhombisa eJerusalema ^ad, umuzi iNkosi eyayiwukhethile kuzo zonke izizwe zakoIsrayeli, ukubeka khona ibizo layo ^ae. Lebizo likanina lalinguNahama umAmonikazi ^af. 22 UJuda wasesenza okubi emehlweni eNkosi ^ag; bayivusa ubukhwele, ngezono zabo abazonayo ^ah, okwedlula konke oyise ababekwenzile, ngezono zabo abazonayo ^ai. 23 Ngoba labo bazakhela izindawo eziphakemeyo ^aj, lezinsika eziyizithombe, lezixuku ^ak, phezu kwalo lonke uqaqa oluphakemeyo ^al, langaphansi kwaso sonke isihlahla esiluhlaza ^{am
,} ^an. 24 Kwakukhona-ke elizweni lezinkotshana. Benza njengokwezinengiso zezizwe iNkosi eyayizixotshile elifeni phambi kwabantwana bakoIsrayeli ^ao.

25 Kwasekusithi ngomnyaka wesihlanu wenkosi uRehobhowamu ^ap uShishaki inkosi yeGibhithe wenyuka wamelana leJerusalema ^aq. 26 Wathatha amagugu endlu kaJehova lamagugu endlu yenkosi, yebo wakuthatha konke, wathatha zonke izihlangu zegolide uSolomoni ayezenzile ^ar. 27 Inkosi uRehobhowamu yasisenza endaweni yazo izihlangu zethusi, yazinikela esandleni senduna yabalindi ababegcina umnyango wendlu yenkosi. 28 Njalo kwakusithi lapho inkosi ingena endlini kaJehova abalindi babezithwala, bazibuyisele endlini yabalindi ^as.

29 Ezinye-ke zezindaba zikaRehobhowamu, lakho konke akwenzayo, kakubhalwanga yini egwalweni lwemilando yamakhosi akoJuda ^at? 30 Kwakukhona-ke impi phakathi kukaRehobhowamu loJerobhowamu zonke izinsuku ^au. 31 URehobhowamu waselala laboyise ^av, wangcwatshelwa kuboyise emzini kaDavida. Lebizo likanina lalinguNahama umAmonikazi ^aw. UAbhiyamu indodana yakhe wasesiba yinkosi esikhundleni sakhe.